Продуцентот на првите два филма наводно е во преговори околу снимање на трет, пишува Digital Spy.

Френк Спотниц се обидува да го натера Холивуд да сними трето продолжение на научно-фантастичниот филм снимен според истоимената хит серија.

На Молдер и Скали ова официјално би им била последната авантура, пишува Digital Spy, затоа што третиот дел би ја заокружил нивната приказна долга две децении.

Актерите Дејвид Духовни и Џилијан Андерсон наводно се заинтересирани за уште еден филм, кој, според зборовите на Спотниц, би се занимавал со вонземјанска колонизација на Земјата.

Последниот филм „Досие Х: Сакам да верувам“ излезе во 2008 година, а критиката не му беше баш најнаклонета.