Познатата франшиза повторно ќе биде екранизирана, а за овој амбициозен проект е ангажиран сценаристот на филмот „Прометеј“, Џон Спајтс.

„Во ова гледам неверојатна шанса, слична на онаа која ја имав кога го пишував сценариото за ‘Прометеј’. Имам можност овој филм да го вратам на неговите корени, повторно да биде мрачен, страшен и ужасен, во епски размери - каков што публиката немала шанса да го види“, изјави сценаристот.

Оригиналната верзија на филмот „Мумија“ во продукција на студиото Universal снимена е во далечната 1932 година, а по тоа следеа три продолженија, од кои последниот е од 1944.

Режисерот Стивен Самерс ја врати „Мумија“ на големото платно 1999 година, ја следеше продолжение од 2002 година, а во 2008 е снимена верзија под наслов The Mummy: Tomb of the Dragon Emperor.

Од новиот филм се очекува да биде најблизок до оригиналната верзија од 1932 година.