Блејк Лајвли во филмот Savages на Оливер Стоун глуми хипи девојка која е во врска со двајца дечковци, инаку дилери на дрога. Во филмот играат Селма Хајек, Бенисио дел Торо, Џон Траволта.

Оливер Стоун го подготвил трилерот Savages, кој во кино-салите се очекува на 6 јули, а во кој ќе видиме некои многу секси сцени со 24 годишната Блејк Лајвли во главната улога.

Актерката, досега најпозната по улогата на девојка од високото општество во популарната серија Gossip Girl, во филмот сега ја игра хипи девојката Орфелија која истовремено е во врска со двајца дечковци (Арон Џонсон и Тејлор Кич), дилери на дрога, кои ќе дојдат во конфликт со мексиканскиот картел.

Блејк Лајвли ќе ја видиме во неколку жешки сцени, посебно во љубовен занес со Џонсон во кадата.

Бен и Чон (Џонсон и Кич) успешни се во работата одгледувачи на марихуана. Но, работите почнуваат да се комплицираат кога во нивните животи ќе влезат „крупни риби“, криумчари на дрога, кои сакаат да го добијат „својот дел“...