Бразилската филмска компанија RT Features ги купила правата да сними филмска адаптација на познатиот албум на Боб Дилан Blood on the Tracks.

Компанијата моментално бара режисер за филмот кој ќе биде базиран на албумот на кој се некои од најпознатите песни на Боб Дилан - Shelter from the Storm, Tangled Up in Blue, Simple Twist of Fate...

„Како почитувачи на еден од најдобрите албуми во историјата на музиката, се чувствуваме привилигирани што ќе снимаме филм. Нашата цел е да работиме со режисер кој ќе создаде класична драма со ликовите и опкружувањето кои го отелотворуваат албумот кој инспирира многумина“, рече продуцентот Родриго Теикеира.

Филмот ќе биде снимен на англиски јазик.

Blood on the Tracks е 15 студиски албум на Боб Дилан, а музичарот неколку пати демантирал дека станува збор за автобиографско дело, иако критичарите тврдат дека албумот го рефлектира колапсот на неговиот брак.

„Албумот е инспириран од приказните на Антон Чехов, а не од мојот живот“, тврди Дилан (70).