По цели 18 години, во септември ќе започне снимањето на продолжението на хит комедијата “Глупав и поглупав”, главните улоги повторно ќе ги имаат Џим Кери и Џеф Даниелс...
Режијата повторно е во рацете на браќата Питер и Боби Фарели, а за сценариото се задолжени Шон Андерс и Џон Морис.
“Никогаш не сме сакале да снимиме продолжение на некој наш филм, но кога Џим и Џеф прифатија, си рековме зошто да не”, вели Питер.
Пред девет години беше снимен “Кога Хари го сретна Лојд”, дејството од оригиналот се врати во времето кога главните ликови биле средношколци. Никој од оригиналната постава не се појави во тој филм, па не чуди тоа што доживеа дебакл.
