Продолжението на „Аватар“ најверојатно во целост ќе биде инспирано од најдлабокото место во светските океани и најдлабокото место на Земјината кора, Маријаниниот ров во Микронезија.

Режисерот Џејмс Камерон неодамна беше на нуркање во Микронезија и од таму се врати воодушевен со она што го видел за реме на патувањето во ровот длабок 11 километри.

„Најдобрата инспирација за продолженијата на ‘Аватар’ ги добив во Микронезија, длабоко под овој свет. Долу се е мирно, мрачно и ми се чини ладно. Преубаво е и делува ‘вонземјански’“, изјави Камерон.

Актерот Сем Вортингтон, кој повторно ќе го игра Џек Сали, вели дека Камерон таму долу не видел никакви чудовишта, но бил воодушевен од подводниот свет и тишината.

Патувањето на Камерон ќе биде искористено за документарец на каналот National Geographic.

Продуцентот Џон Ландау неодамна изјави дека првото продолжение во кино-салите ќе стигне дури во декември 2014 година, а третиот дел од филмот е планиран за декември 2015.