Актерот Адам Сендлер освоил десет Златни малини, награди кои се доделуваат за најлошите остварувања во филмската индустрија.

Комедијата на Сендлер „Џек и Џил“ собрала десет награди, вклучувајќи и Малини за најлош актер и најлоша актерка, бидејќи Сендлер во филмот глуми семеен човек и неговата сестра близначка.

Сендлер награди добил и во категориите најлош актерски состав, најлош филмски пар, најлошо сценарио.

Ал Пачино е прогласен за најлош спореден актер за улогата сам себеси во филмот „Џек и Џил“.

Овој е единствен филм во историјата на Златните малини кој победи во секоја категорија.

Филмот на Сендлер победил и во категориите најлош римејк и најлошо продолжение, затоа што гласачите филмот „Џек и Џил“ го гледале како продолжение на класикот на Ед Вуд „Глен или Гленда?“.

Наградите се соопштени синоќа на церемонија во продавницата за волшебни трикови во Санта Моника. До сега Малините се доделувани ноќ воочи на Оскарите, но оваа година организаторите одлучиле да ги доделат на 1 април.