Младиот актер Келан Меколиф ја добил улогата на „тинејџер“ Леонардо ди Каприо.

Австралискиот актер до сега играл во филмовите Flipped и I Am Number Four, а вели дека е чест да игра помлада верзија на ликот на Ди Каприо во филмот „Големиот Гетсби“ на Баз Лурман.

„Лео и јас не личиме толку, но ми ја исфарбаа косата, ми ставија леќи и ми направија поинаква фризура и одеднаш изгледав исто како тој во ‘Титаник’“, рече актерот.

„Големиот Гетсби“ премиерно ќе биде прикажан во 3D технологија, што е необично за филмови кои не се акциони блокбастери.

Меколиф рече дека Лурман не се трудел да направи 3D „лудило“, туку дека употребата на технологијата е усмерена на оживување на боите и длабочините, и доловување на времето во кое Гетсби живеел.

Светската премиера е закажана за 25 декември.