Режисерот на филмот „Титаник“, Џејмс Камерон, пред премиерата на 3D верзијата од филмот, призна дека сакал да досними неколку сцена затоа што во 1997 година направил неколку грешки.

Подготовките за снимањето на остварувањето од 1997 година со Кејт Винслет и Леонардо ди Каприо траеле со години и подразбирале нуркање во ледениот Атлантик неколку десетина пати.

Камерон признава дека за време на работењето на овој филм станал опседнат со Титаник, а по 15 години од „првата премиера“, и дека направил неколку грешки кои сакал да ги исправи во 3D верзијата. Притоа, тој не мисли на грешката во филмот кога Џек раскажува дека ловел риби на, тогаш уште непостоечко езеро, на која укажале историчарите во 1997 година, како ни на фактот дека во еден момент можете да го видите одрезот на камерманот во сцената во која младиот уметник се симнува на вечера во смокинг, туку на начинот на кој Титаник потонал.

„Сакав да изменам неколку работи, прво како Титаник навистина изгледал, сфативме дека сетот не е ист како оригиналот...“, рече Камер, а потоа откри дека и начинот на кој бродот потонал, во култната сцена каде што Џек и Роуз ја прескокнуваат оградата од надворешната страна на Титаник додека тој тони во ледената вода, и не е баш точна...

„Титаник некое време стоел мирно и тоа не под агол од 90 степени, но таквото прикажување на работите не би бил драматичен како што е во филмот“, рече режисерот и додаде дека мисли дека знаел се што може да се знае за Титаник, но дека тогаш почнал да работи на документарец за National Geographic каде што соработувал со осум соработници кои знаеле подобро...

„Секогаш кога го поправавме симулаторот, за да откриеме како всушност бродот потонал, бродот од симулацијата се навалуваше на едната или другата страна, а Титаник не го сторил тоа“, вели режисерот, што го докажува и начинот на кој се преврте Коста Конкордија.