Втората сезона на серијата „Игра на тронови“ ќе почне со прикажување во недела, на 1 април, во САД, а во Македонија за претплатените на HBO на 2 арпил, ден по американската премиера.
Доаѓа војна во Вестерос. Додека ладните ветрови се креваат, пет кралеви се борат за власт. Сојузи се скопуваат и раскинуваат, индетитетите се преиспитуваат, а страстите бликаат. Улогите се поголеми од било кога - кој ќе го преживее хаосот и ќе седне на Железниот трон?
„Игра на тронови“, епска драма сместена во фантастичниот свет Вестерос, е базирана на фантастичниот серијал „Песна за лед и оган“ на авторот Џорџ Р. Р. Мартин. Во земјата во која летата и зимите можат да траат со години живеат амбициозни мажи и жени - чесно, но и оние кои во борбата за власт не се плашат од ништо.
Втората сезона на драмскиот серијал „Игра на тронови“, добитник на наградите Еми и Златен глобус, со прикажување започнува во недела, на 1 април, ексклузивно на HBO, а во Македонија на 2 април, само еден ден по американската премиера.
Во септември 2011 година „Игра на тронови“ освои две Еми награди, вклучувајќи ја и онаа за најдобар дизајн на воведната шпица и најдобар спореден актер во драмска серија, Питер Динклиџ, кој исто така освои и Златен глобус во категоријата најдобар спореден актер во телевизиска сериија, мини серија или телевизиски филм.
Од извршните продуценти Дејвид Бениоф и Д. Б. Вајс ни пристигаат десет епизоди од втората сезона која се снимаше во Дубровник, чии средновековни ѕидини послужија како сцена за главниот град на Вестерос - Кралоград.
