Интернет порталот NME составил листа од филмови кои не се вредни за парите кои сме ги дале за влез во киното.
Најглупав филм кој некогаш е снимен, според мислењето на колумнистите на списанието е The Human Centipede.
„Таткото на филмовите кои би можеле да се опишат со WTF е физичкиот хорор кој, ако ништо друго, има нозе. Како да мислел дека публиката не е задоволна со првиот филм, режисерот Том Сикс снимил и втор дел, а сега подготвува и трет дел во кој наводно ќе има 500 (сигурно незадоволни и исплашени) статисти. Иако многумина би сакале да го видат режисерот како ја зашива сопствената уста за некој задник, тој филм никој нема да го гледа, затоа што третиот дел, за среќа е и последен“, пишува Овен Николс.
На второ место на најглупави филмови е остварувањето Iron Sky, филм кој ни открива дека Месечината е населена со... нацисти.
„Заборавете на Transformers, мрачната страна на Месечината му припаѓа на Третиот Рајх“, пишува Николс. „‘Хитлеровци’ ја напаѓаат Земјата од својата база на Месечината...“
Бронзата отиде во рацете на филмот Little Otik, приказна за брачен пар кој не може да има деца, па себе ќе си направи едно малечко од дрво, додека во првите пет по глупавост се пласираа уште A Thousand Words со Еди Марфи во главната улога и The Room.
Во филмот A Thousand Words, главниот јунак ќе умре откако ќе го изговори 1000 збор, додека The Room зборува за маж кој на својот пријател ќе му приреди журка, а тој ќе се скара со сите... „и тоа е од прилика се“, пишува колумнистот.
Во првите десет најглупави филмови кои некогаш се снимени се уште Teeth/Rubber, The Lake House во кој играат Кијану Ривс и Сандра Булок, Tiptoes (Метју Меконахи и Кејт Бекингсејл), Thr3e и Kill Keith.
