Режисерот Рон Хауард му упати јавна покана на некогашниот првак да одигра една од улогите во неговото ново остварување.

Филмот Rush на режисерот награден со Оскар, Рон Хауард, зборува за трките и расправиите на легендарните возачи на Формула 1, Ники Лауд и Џејмс Хант.

Возачите ќе ги играат Даниел Брул и Крис Хемсворт, а една од улогите би можела да му припадне и на Луис Хамилтон кој работел на оваа остварување како консултант.

„Импресиониран сум од Луис во улога на консултант и мислам дека најубавата работа кај него е тоа што потекнува од скромно опкружување, а успеа да биде најдобар во светот на оваа игра“, рече режисерот.

„Долго разговарав со него пред да почнам да работам на филмот, така што тој веќе е мој консултант и не знам дали би се согласил, но би требало во филмот да се најде една улога и за него. Ако сака, се разбира“, додаде Рон Хауард.