Новиот блокбастер се заканува да ги сруши сите досега поставени рекорди на гледаност и заработувачка.

Медиумската хистерија која настана околу најновиот тинејџерски хит „Игрите на гладните“, почна да ги покажува првите резултати. Својот „викендски поход“ филмот го започна со одлични резултати, станувајќи најуспешно „не-продолжение“ со неверојатни 20 милиони долари само од полноќните премиери.

Многумина предвидуваат дека овој викенд ќе стане најуспешниот филм на Lionsgate, така заканувајќи му се на најуспешниот документарец во историјата Fahrenheit 9/11 на Мајкл Мур кој досега го држеше првото место во викенд-заработувачка од 119 милиони долари.

Успехот на адаптацијата на романот на Сузан Колинс го најави и самиот Мајкл Мур, кој вчера на својот Твитер објавил: „Овој викенд ќе се сруши рекорд: Fahrenheir 9/11, најуспешниот филм на Lionsgate, ќе биде заменет од Тhe Hunger Games.“

Аналитичарите предвидуваат дека „Игрите на гладните“ овој викенд ќе заработи меѓу 135 и 145 милиони долари, а конечната заработка би можела да ја надмине онаа на „Самрак сагата“ со која филмот од јасни причини најчесто се споредува. Предноста на „Игрите на гладните“ е во тоа што филмот во иста мерка и е интересен и на машката и на женската тин популација, што не беше случај со „Самрак сагата“.