Третото продолжение од комедијата „Мамурлак“ во кино-салите стигнува ширум светот на 21 мај следната година.

Повторно се заедно режисерот Тод Филипс и актерите Бредли Купер, Зек Галифијанакис и Ед Хелмс во улогите на Фил, Стју и Алан.

Филипс вели дека е возбуден што ќе прави уште едно продолжение на „Мамурлак“ заедно со Купер, Галифијанакис и Хелмс и најави дека ќе ја изненади публиката.

„Ќе биде вистински расплет на хаотични и очајни одлуки кои ги видовме во претходните делови“, додаде режисерот.

Првиот филм „Мамурлак“ е снимен во 2009 година во Вегас, а вториот „Мамурлак 2“ во 2011 во Бангкок.

Во кој град ќе биде снимен третиот дел се уште не е познато.