Деталите од снимањето на новиот филм на најдолговековната франшиза се држат во тајност... а потоа се наоѓа дете со мобилен телефон и тајно снимува акциона сцена од Бонд.

На YouTube каналот се појави видео кое го направил Ибрахим Озден (17) од Турција, кој еден ден се провлекол на сетот на новиот филм за Бонд, Skyfall.

Тој успеал да сними сцена од борба на воз, кој би требало да излезе од шините во истиот момент кога го прелетува мотор - акција на „бондовски начин“, баш како и начинот на кој оваа ексклузивна снимка стигнала на турската телевизија, а потоа и на интернет.

Тинејџерот го направил видеото е во стил на самиот таен агент, маскиран влегол на сетот со уште двајца другари така што ја прескокнале оградата, се провлекле под вагонот на возот, го снимиле клипот, а потоа го продале на турска телевизија.