„Џон Картер“ е филмско промашување на сите времиња, затоа што студиото Disney ќе изгуби дури 200 милиони долари.

Disney во снимањето на филмот вложиле 250 милиони долари, а за негова промоција се потрошени уште 100 милиони. Филмот во кино салите заработил само 184 милиони од што половина од заработувачката припаѓа на кино-салите во кои е прикажуван.

Disney соопшти дека научно-фантастичниот филм со „манекенот“ Тејлор Кич во главна улога е промашување поради кое ќе изгубат стотина милиони долари.

„Џон Картер“ е адаптација на приказната на создавачот на „Тарзан“, Едгар Рајс Буроуз „Принцезата од Марс“, и следи ветеран од американската Граѓанска војна кој патува на Барсум, односно Марс и таму се вплеткува во војна меѓу жителите на планетата.

Главните улоги ги толкуваат Тејлор Кич и Лин Колинс, а филмот е во режија на Ендру Стентон, чиј анимиран филм Wall-E доби Оскар и Златен глобус за најдобар анимиран филм на 2008 година.