Улогата на актерот Џек Николсон во класикот „Лет над кукавичкото гнездо“ е прогласена за најдобра на сите времиња, од страна на магазинот „Тотал филм“...
Станува збор за филмска адаптација на делото на Кен Киси, а како режисер се потпишува Милош Форман. Николсон глуми харизматичен пациент во психијатриска болница, а улогата на предводник на бунтот во болницата му го донесе и првиот од трите Оскари.
На листата помеѓу десетте најдобри се најдоа и Роберт де Ниро за улогата на боксерот Џејк Ламота во филмот „Разјарениот бик“, Даниел Деј Луис за улогата во филмот на браќата Коен „Ќе има крв“, Ал Пачино за улогата во филмот „Кум 2“, Емили Вотсон за улогата на Бес во филмот “Спроти брановите”, Марлон Брандо за улогата во филмот „Доковите на Њујорк“, Дензел Вашингтон за филмот „Малколм икс“ и Лијам Нисон за улогата во „Шиндлеровата листа“.
Листата има вкупно 200 места, а меѓу актерите со најдобро остварени улоги се најдоа и Силвестер Сталоне како Роки и Хит Леџер како Џокер.
Улоги за паметење имаа и Џони Деп во „Едвард раце-ножици“, Анџелина Џоли во „Моќно срце“, Хавиер Бардем во „Нема земја за старци“, Одри Тату во „Чудесната судбина на Амелија Пулен“, Руни Мара во "Девојката со тетоважа на змеј"...
