Актерката Кира Најтли би требало да ја игра главната улога во филмската адаптација на романот на Николас Спаркс, Safe Heaven.

Ѕвездата од филмовите „Пиратите од Карибите“ е во преговори за улогата на млада жена со мистериозно минато која доаѓа во мал град во Северна Каролина и воспоставува разни врски со неговите жители.

Филмот ќе биде во режија на Ласе Халстром, на кого тоа ќе му биде втора адаптација на роман на Спаркс, по филмот „Драг Џон“ од 2010 во кого главните улоги ги толкуваа Чејнинг Тејтум и Аманда Сајфрид.

Снимањето би требало да почне во мај, а филмот во кино салите би требало да стигне во февруари 2013 година.