Леонардо ди Каприо и Мартин Скорсезе конечно почнуваат со снимањето на „Волкот од Вол Стрит“.

Познатиот актер Леонардо ди Каприо и прославениот режисер Мартин Скорсезе повторно ќе ги здружат силите во филмот „Волкот од Вол Стрит“, кој ќе почне да се сними во почетокот на летото во Њујорк.

Филмот се базира на мемоарите на Џордан Белфорт и ја донесува приказната за пропаднат брокер, љубител на диви забави и дрога, кој во 1998 година е осуден за измама и перење пари на 22 месеци затворска казна.

Ди Каприо ќе ја толкува главната улога, а сценариото го потпишува Теренс Винтер. Снимањето на „Волкот од Вол Стрит“ е во план уште од 2007 година, а оваа година конечно ќе се реализира.