Ирскиот актер би требало да ја игра главната улога во филмот според легендата за крал Артур.

Колин Фарел ќе го игра витезот Ланселот, еден од најверните поданици на кралот во филмот чие снимање минатата година е откажано поради недостаток од пари.

Дејвид Добкин ќе го режира филмот „Артур и Ланселот“ на студиото Warner Bros, а своите адаптации за легендата за кралот Артур и верниот витез Ланселот ги подготвуваат и Гај Ричи и Брајан Сингер.

Покрај Фарел во филмот би требало да играат и Гери Олдман и Кит Харингтон („Игра на тронови“).