Хичкок е без конкуренција...

Класикот на Алфред Хичкок, “Psycho”, е прогласен за најдобар трејлер во историјата на седмата уметност, според уредниците на “NME”.

“Помина повеќе од половина век, но и понатаму никој не успева да не исплаши како големиот Ал и неговиот мотел на стравот” – велат уредниците на списанието.

Второто место му припадна на уште еден вистински класик, урнебесната комедија "Dr. Strangelove", која во 1964 ја режираше Стенли Кјубрик и со која се прослави легендарниот Питер Селерс.

Бронзата заврши во рацете на Дејвид Финчер и биографската драма за основачот на Фејсбук, Марк Цукерберг, “The Social Network”.

Четвртото место го поделија сите продолженија на “Alien”, а најдобрата петорка ја заокружува "Matrix".