На разочарување на бројните фанови, екипата на популарната серија не сака повторно да се собере.

Пријателите веруваат дека филмската верзија не би била ни половина успешна како што беше серијата некогаш и ја отфрлија можноста за појавување на филмското платно, како што направи екипата на “Сексот и градот”.

Џенифер Анистон е последна од низата глумци од серијата која ја отфрли можноста за снимање филмска верзија. Пред неа можноста за филмско враќање ја одби и Мет Лебланк.

Идејата за повторно собирање се појави во 2010 година, тогаш Кортни Кокс и Џенифер Анистон открија дека сакаат повторно да застанат пред камерите заедно со Лиса Кудроу, Дејвид Швимер, Метју Пери и Мет Лебланк.

Американската телевизиска серија будеше насмевки кај публиката цели 10 години. Првата епизода била емитувана на 22 септември 1994 година. Последната епизода, емитувана во 2004 година, само во Америка ја гледале 51,1 милиони луѓе. По завршувањето на “Пријатели” се емитуваа две сезони од серијата “Џои”.