Актерката Ема Вотсон ја доби главната улога во филмот Bling Ring.

Филмот на Софија Копола ќе биде снимен според вистинската приказна на група тинејџери кои за време на неколку месеци „орале“ по Холивуд и ги ограбувале куќите на славните личности какви што се Орландо Блум, Парис Хилтон, Меган Фокс, Рејчел Билсон, Линдзи Лохан и други.

На Вотсон ќе и биде доверена улогата на една од ограбувачките, а се уште не е познато кои ќе ги толкуваат останатите улоги.

Копола најавила дека планира да прикаже „отрезнувачки поглед на опсесијата со модерната култура“.

Групата Bling Ring од октомври 2008 до август 2009 ограбила повеќе од 50 домови на славни, а некои од нив и по повеќе пати и однела накит, облека и други предмети во вредност од околу три милиони долари.