Актерот Џоел Кинеман е прв избор за улогата на популарниот робот-полицаец во римејкот на филмот RoboCop од 1987 година, кој е во подготовка.

Спред сајтот Deadline, МGM на Кинеман му ја понудил главната улога во римејкот кој е во подготовка.

Расел Кроу и Мајкл Фасбендер се имињата кои порано се споменуваа како можно решение за оваа улога.

Филмот ќе биде во режија на Хозе Падила, а сценариото го напишал Џош Зитумер.

„Филмот ќе биде нешто сосема ново, но ќе го следи дејството од оригиналот од 1987 година. Римејкот ќе претстави еден многу пореалистичен универзум“, изјави режисерот.

Кинеман, кој играше во серијата The Killing, неодамна заигра и во филмот на Дензел Вашингтон - The Safe House.