Најмногу награди на Американската филмска академија освоиле филмовите "Хуго" и "Уметник"...
Филмот на Мартин Скорсези за момчето кое живее на железничка станица освоил пет награди, и тоа за најдобра камера, сценографија, монтажа и микс на звук и визуелни ефекти.
Немиот филм "Уметник" на Мишаел Азнавасијус, за почетоците на француската кинематографија ја освоил најпрестижната награда на вечерта, Оскар за најдобар филм, како и статуети за костим и оригинална музика.
Наградите припаднале и на режисерот Азнавасијус, како и на главниот актер "францускиот Клуни", Жан Дужарден.
"Уметник" инаку е првиот црно-бел филм кој освоил Оскар уште од 1961 година.
Оскар за најдобра главна женска улога освоила Мерил Стрип за "Железната Дама", а тој филм награден е во категории на шминка.
Оскарите за споредна улога освоиле Кристофер Пламер - "Почетници" и Октавија Спенсер - Службеници.
Иранската семејна драма на Ашгар Фархадиј "Развод" е наградена во категоријата најдобар филм надвор од англиското говорно подрачје, а за најдобар анимиран филм прогласен е "Ранго".
Вуди Ален добил Оскар за најдобро оригинално сценариот за "Полноќ во Париз", додека Александар Пејн, Нат Факсон и Џим Раш наградени се за адаптација на "Потомци".
Во останатите категории триумфирале филмовите "Девојката со тетоважа на змеј" (монтажа), "Непобедени" (долгометражен документарен), "Спасување на лице" (краткометражен документарен).
Свеченоста ја водел американскиот комичар Били Кристал, а меѓу ѕвездите кои на победници им ги предавале златните статуети биле Том Круз, Хали Бери, Том Хенкс, Анџелина Џоли, Крис Рок, Пенелопе Круз, Бредли Купер, Камерон Дијан, Џенифер Лопез и Ема Стоун.
Најголемо изненадување на вечерта бил Саша Барон Кохен како адмирал Аладен и неговиот филм "Диктатор", која меѓу останатото вклучува и извикување на паролата "смрт на западот" и фрлање со пепел по Рајан Сечрест и црвениот тепих.
