Холивуд подготвува адаптација на романот „Приказната за крадецот на тела“ од Ен Рајс.

Рајс светска слава стекна со својот серијал „Вампирски хроники“, кој почнува со романот „Интервју со вампирот“, кој во деведесетите многу успешно е адаптиран за големото платно. Главните улоги на вампирите Луи и Лестат ги толкуваа Бред Пит и Том Круз.

Лестат во книгата „Приказната за крадецот на тела“, прави „фаустов“ договор со мистериозно суштество - ќе му го позајми своето бесмртно тело, во замена за човечко. Но, Лестат набргу открива дека суштеството нема намера да му го врати неговото тело и мора сам да го спаси.

Тоа е четвртиот роман од серијалот „Вампирски хроники“ и моментално го адаптираат сценаристите Алекс Курцман и Роберто Орки, кои работеа на филмовите „Трансформери“ и „Ѕвездени патеки“. не е познато кои актери ќе ги толкуваат главните улоги во „Приказната за крадецот на тела“.

По Круз, Лестат во филмот „Кралицата на проклетите“ го играше Стјуарт Таунсенд.