Гилјермо дел Торо ќе го продуцира цртаниот филм за „страшниот“ мексикански празник.

„Ден на мртвите“ ќе биде анимирана љубовна приказна, чии протагонисти го поминуваат Денот на мртвите во Мексико. Денот на мртвите е популарен празник во Мексико, посветен на семејни и социјални собирања и присетување на драгите личности кои повеќе не се овде.

„Нема да биде хорор, туку слатка и витална приказна за љубовта во необично опкружување“, рече Дел Торо за филмскиот печат.

Филмот ќе го режира Хорхе Р. Гутијерез, а премиерата се очекува кон средината на 2014 година. Се уште не се знае кој ќе ги позајмува гласовите на ликовите.