... би се викал Наоми Харис.

Една од ѕвездите во новиот филм за тајниот агент Џејмс Бонд, Наоми Харис, откри детали за ликот кој го толкува во остварувањето Skyfall.

Наоми Харис во филмот Skyfall го игра ликот на агентот Ева, жена која би дала се за да биде Џејмс Бонд лично.

„Таа би сакала да биде женскиот Џејмс Бонд, но никој не може да биде како тој“, рече актерката за списанието Total Film. „Ева мисли дека е подеднакво добра како агентот 007“, рече Наоми и додаде дека за таа улога морала „сериозно да тренира“.

„Тренирав кик-бокс, а кога прв пат пукав од пиштол, се преплашив на смрт. Подоцна научив да уживам во ракувањето со огнено оружје.“

Skyfall со Даниел Крег во главната улога го режира Сем Мендез, а покрај „Ева“ во него играат и Џуди Денч, Ралф Фајнс, Бен Вишо, беренис Марло и Хавиер Бардем.

Новиот филм за тајниот агент 007 во кино-салите стигнува на 26 октомври оваа година.