После две години холивудската дива се враќа со глумење во филмот "Заспана убавица"...
Филмот би требало да го режира легендарниот Тим Бартон, а за сега единствено е познато дека Анџелина Џоли ќе биде во улога на злобна вештерка.
"Веќе две години не сум глумела и моментално преговарам за улога во еден филм на Дизни", рекла актерката која вели дека и нејзините шест деца сакаат да ја видат во улога на злобна вештерка.
Филмот ќе биде адаптација на цртан филм од 1959 година, а приказната за "Заспаната убавица" ќе биде прикажана од перспективата на злобната вештерка, која е бесна што не е повикана на крштевање на бебе и фрла страшна клетва врз принцезата Аурора.
