Оскаровецот ќе глуми во филмот „Харкер“, нова верзија на приказната за вампирот од Трансилванија.

Филмот ќе го продуцира Леонардо ди Каприо, кој најави дека оригиналната приказна на Брам Стокер ќе биде малку изменета. Во оригиналот, младиот адвокат Џонатан Харкер оди во Трансилванија, за на мистериозниот гроф да му помогне во работата со недвижнини.

Во новиот филм, Харкер ќе биде инспектор на Сколанд Јард, кој ќе ги истражува злосторствата што гроф Дракула ги направил во Велика Британија.

Филмот се уште нема режисер, а не е познато ни кој ќе го игра еден од најпознатите филмски и литературни вампири.