Актерката ќе игра во адаптацијата на романот „Прекрасни суштества“.

Книгата на Ками Гарсие и Маргарета Стол ја следат девојката Лена во мало градче на југ, која се обидува од околината да го сокрие фактот дека има чудесни моќи. Таа се здружува со средношколецот Итан за да се обиде да го симне проклетството кое е фрлено на нејзиното семејство.

Главните улоги ги толкуваат Алис Енглерт и Џек Конел, а Томпсон ќе ја глуми локалната вештерка, пишува холивудскиот печат.

„Прекрасни суштества“ ќе биде во режија на Ричард Лаграваниц, кој го потпишува и сценариото. Томпсон, која во филмовите за Хари Потер ја толкува улогата на професорката-пророк Сибил Трилони, оваа лето ќе го претстави својот нов филм „Ефи“.