Ридли Скот планира продолжение на научно-фантастичниот филм.

Филмот „Прометеј“, во кој главните улоги ги толкуваат Номи Рапас, Гај Пирс, Мајкл Фасбендер и Шарлиз Терон премиерно ќе биде прикажан во почетокот на јуни, а Скот веќе планира продолжение.

Филмот следи екипа научници која го открива потеклото на човечкиот вид на Земјата и мора да отпатува до најдалечните краишта на вселената за да ја избори битката за опстанок на видот.

„Немам апсолутно никаква идеја за продолжување на сценариото, но знам дека би сакал уште еден дел од филмот. Полека работам на продолжение на приказната“, рекол тој за филмскиот печат.

Скот неодамна најави дека ѝ се враќа на научната-фантастика како на стара љубов, и дека ќе сними продолжение на филмот Blade Runner.