Натали Портман ќе ја игра главната улога во двата нови филма на режисерот Теренс Малик.

Добитничката на Оскар за филмот „Црн лебед“, Натали Портман, минатото лето го роди синот Алеф од врската со балетанот Бенџамен Милипијед. Година дена подоцна таа се враќа, и тоа во два филма.

Првиот филм, Knight of Cups ќе се сними на лето, а покрај Натали во филмот ќе играат и Кристијан Бејл, Кејт Бланшет и Изабел Лукас.

Другиот филм насловен како Lawless планиран е за на есен, а во него ќе глумат и Рајан Гослинг и Руни Мара. Малик е познато име во светот на филмот, а неговото последно ремек-дело е филмот „Дрво на животот“ со Бред Пит во главната улога.