Студиото Columbia Pictures официјално потврди дека во тек се подготовките за продолжение на римејкот.

Сепак, деталите за почетокот на снимањето и прикажувањето во кино-салите уште не се познати, но сигурно е дека во Karate Kid 2 ќе игра синот на Вил Смит, Џејден, и холивудскиот ветеран на акциони комедии, Џеки Чен.

Тие двајцата играа и во првиот римејк на основа на многу успешна трилогија од осумдесетите.

Karate Kid во 2010 година имаше солидна заработка на благајните, па продуцентите се надеваат дека продолжението ќе привлече повеќе публика.

Сценарист на продолжението ќе биде Зек Пен, познат по филмот „Неверојатниот Халк“.