Оскаровецот ќе ја толкува улогата на пионирот на анимираниот филм во остварувањето Saving Mr. Banks.

Филмот нема да се бави со комплетниот живот на Волт Дизни, туку со периодот кога неговото студио се обидувало да сними адаптација на романот „Мери Попинс“ од авторката П. Л. Траверс. Студиото цели 14 години ја убедувало Траверс да дозволи нејзината книга да биде преточена на големото платно, што конечно се случило во 1964 година, а главните улоги ги толкувале Џули Ендрјуз и Дик Ван Дајк.

Иако Траверс се согласила, била ужасната со анимираните секвенци во филмот кој освои Оскари за Ендрјуз, музика, песна, монтажа и специјални ефекти.

Том Хенкс би требало да го глуми Дизни, додека улогата на Траверс и е поверена на Мерил Стрип. Филмот се уште нема режисер.