Снимањето на третиот филм за „омилената филмска хероина“ Бриџит Џоунс е под знак прашалник, затоа што Хју Грант не е задоволен со дејството на филмот.

Филмот „Бебето на Бриџит Џоунс“ би требало да почне да се снима кон крајот на месецот, но снимањето најверојатно ќе биде одложено, затоа што Хју Грант не е задоволен со дејството на филмот и начинот на кој е пишувано сценариото, пишува американскиот филмски печат.

Сценариото на филмот во кој по трет пат би требало да се соберат Рене Зелвагер, Колин Фирт и Хју Грант, го напишаа Дејвид Николс и авторката на романот за Бриџит Џоунс, Хелен Филдинг.

Извори блиски на продуцентите велдат дека Грант со причина е незадоволен од приказната, затоа што филмот „во суштина е мртов“.

Ова не е прв проблем на кој наиде екипата која го снима филмот - прво режисерот Пол Фиг се откажа од проектот, а го замени Питер Катанео.

Филмовите „Дневникот на Бриџит Џоунс“ и „Бриџит Џоунс на работ на разумот“ заработија повеќе од 500 милиони долари на светските благајни.