Ѕвездите од филмовите The Hangover, Бредли Купер, Зак Галифианкис и Ед Хелмс, барале од продуцентот по 15 милиони долари да ги репризираат улогите во третото продолжение од серијалот...

Доколку во кината ни пристигне "Hangover 3", тоа значи дека студиото "Ворнер Брос", платиле по 15 милиони долари на актер.

Американскиот филмски печат пишува дека снимањето на третото продолжение од продолжението на филмот зависи од "добрата волја" на студиото да им исплати хонорари на ѕвездите, како и дека преговорите со актерите траат со месеци. Неименуван извор од студиото "Ворнер Брос", вели дека тоа е завршена работа, и дека актерите ќе бидат побогати за "неколку милиони".

Ова е едно добро зголемување на платата по серијал. Во 2009 година актерите добиле по 1 милион долари хонорар, а првиот дел заработил 35 милиони долари. За снимањето на вториот дел, кој заработил 467 милиони долари, актерите добиле по 5 милиони долари. А сега, најверојатно ќе добијат три пати повеќе.