Објавените се фотографии од снимањето на новиот филм на Тим Бартон со Џони Деп во главна улога...
Хорор приказната "Dark shadows", е осмата соработка на холивудскиот актер Џони Деп со Тим Бартон, а зборува за вампирот Барнабас Колинс и неговите средби со други чудовишта - вркодлаци и вештерки.
Филмот е адаптација на серијата од 60-тите години на минатиот век и го претставува Колинс кој го игра Деп, како богат и моќен плејбој, кој го крши срцето на Анџелика Бушард.
Бушард го претвара Колинс во вампир и го закопува жив. Два века подоцна, Колинс се ослободува од својот гроб и излегува во многу поинаков свет - во 1972 година.
Премиерата на филмот е закажана за мај оваа година, а во него, покрај Џони Деп и Ева Грин, играат и Мишел Фајфер, Џони Ли Милер и Хелена Бонам Картер.
