Ѕвездата на новиот "The Expendables", Чак Норис, се согласил да учествува во новиот проект на Силвестер Сталоне, дури откако од сценариото ќе се исфрлат пцостите...

"Додека го читав сценариото, забележав дека е преполн со вулгарности", рекол Чак Норис, пренесува американскиот филмски печат. "Реков дека не снимам такви филмови и дека ќе играм само ако малку се 'исчисти' текстот од пцости".

Штом игра во филмот, значи дека сценариото е изменето за да одговара на легендарниот Чак Норис.

Во новиот филм "The Expendables", играат Силвестер Сталоне, Арнолд Шварценегер, Брус Вилис, Жан Клод Ван Дам, Џет Ли, а се појавува и Новак Ѓоковиќ.