Хит комедијата нема да добие продолжение, рече сценаристката и актерка Кристен Виг.

Филмот „Деверуши“ доби одлични оценки и од публиката и од критиката, а Hollywood Reporter пренесе дека во план е снимање на втор дел.

Меѓутоа, Виг ги демантираше тие трачеви.

„Беше прекрасно искуство да го снимиме ‘Деверуши’, но нема да има втор дел. Сите одиме во нови правци и возбудени сме поради други проекти“, рече таа.

Виг најави дека наскоро ќе сними уште една „женска“ комедија, но не откри за каков филм станува збор.