Се лажете. Во план е снимање на уште продолженија, и покрај фактот дека се снимени филмови според сите книги.

„Самрак сагата“ на Стефани Мајер за сега има пет филмови, од кои последниот ќе се појави во кино-салите веќе оваа година. Покрај фактот дека приказната за љубовта на вампирот Едвард и „обичната“ девојка Бела е готова, студиото Lionsgate планира уште продолженија.

„Знам дека последниот филм сигурно ќе ја пробие цифрата од 700 милиони долари на благајните, и би било штета да не се сними уште некој филм“, рече директорот на тоа студио, Џон Фелтхајмер.

„‘Самрак’ е фантастична франшиза и планираме да поработиме на развивањето на понатамошна приказна за да можеме да снимаме уште филмови“, додаде тој.

Фелтхајмер рече дека филмовите со Роберт Патинсон и Кристен Стјуарт ќе бидат преточени и во ТВ серија.

Фановите на „Самрак“ желно го очекуваат 16 ноември оваа година, кога ќе се појави последниот снимен филм во низата.