Комедијата со Џим Кери во главната улога ќе добие продолжение.

„Семоќниот Брус“ е филм за телевизиски репортер кој добива шанса да биде Бог на недела дена, откако што на „вистинскиот“ Бог ќе му се пожали за колегата кој штотуку е унапреден. Во филмот играа и Стив Карел, Морган Фримен, Џенифер Анистон и други.

„Семоќниот Брус“ е снимен во 2003 година и заработи половина милијарди долари ширум светот. Четири години подоцна е снимен spin-off наречен „Семоќниот Еван“, со Карел во главната улога.

Сценаристите Џеред Пол и Ендрју Могел моментално работата на продолжение кое би го следело ликот на Кери, а не е познато дали Том Шадјак, кој ги режираше претходните два филма, ќе се врати зад камерите.