Сценариото е речиси готово, но славната актерка и новопечената режисерка се уште нема храброст да започне со снимањето.

По режисерскиот првенец „Во земјата на крвта и медот“ кој критичарите благонаклоно го пречекаа, Анџелина Џоли сериозно размислува кон средината на наредната година да започне да снима филм инспириран од војната во Авганистан.

„Се уште немам храброст сценариото да го покажам на било кој. Повеќе од половина е готово, но за почнување на снимањето потребно е уште време“, изјави актерката.

Западните медиуми пишуваат дека филмот за војната во Авганистан, за разлика од љубовната приказна во срцето на војната во Босна, би можел да биде акционен трилер.