На актерот Даниел Крег му е понуден повеќемилионски договор за снимање на уште пет филмови за тајниот агент.
Дали поради сцената од филмот „Казино Ројал“ во која е во гаќички за капење или поради тоа што е „најубедливиот Бонд во послените 50 години“, не е важно, важно е дека продуцентите на филмовите за агентот 007 на Даниел Крег му понудиле да сними уште пет филмови за Бонд.
Продуцентот на филмовите за Џејмс Бонд, Мајкл Џи Вилсон, откри за списанието People дека на Даниел Крег му се понудени „неколку милиони долари“ за да се согласи да сними уште пет филмови. Доколку се согласи, Крег ќе биде „најдолговечниот таен агент“ - Роџер Мур сними седум филмови за бонд, а Шон Конери шест.
„Нема подобар актер од Даниел“, рече Вилсон. „Тој е одличен Бонд, феноменален актер и добар човек. Фановите го обожаваат и ние сметаме дека тој е совршен за оваа улога. Се надевам дека ќе се согласи и ќе го надмине рекордот на Роџер Мур“.
Се уште не е познато колкава сума му е понудена на Крег, како ни тоа дали ја прифатил или не. Тој моментално го снима својот трет филм за Џејмс Бонд, Skyfall.
