По Анџелина Џоли, Расел Кроу, Скарлет Јохансон, Џенифер Анистон... и Кијану Ривс одлучи да седне на режисерското столче.

Славниот актер одлучи да се обиде како режисер во акциониот филм Man Of Tai Chi, чие снимање почнува во февруари.

Кијану Ривс покрај режисерската работа, толкува и една од главните улоги во филмот во кој ќе игра и Тајгер Чен, кој му бил ментор во боречки вештини на холивудскиот актер за време на снимањето на „Матрикс“.

Кијану и порано изјави дека филмот ќе се занимава со мајстори во боречки вештини и дека во него ќе има многу акциони сцени.

„Ќе има многу акција, но сакам на вистински начин да ги покажам древните боречки вештини“, рече Кијану.

Филмот ќе биде снимен на мандарински и англиски јазик, а премиерата е закажана за пролетта 2013 година.