Иако критиките за режисеркото деби на Анџелина Џоли штотуку пристигнуваат, американските продуценти сметаат дека ова е еден од најдобрите филмови кои се занимаваат со сериозни општествени теми.
Здружението на американските продуценти (PGA) на филмот на Анџелина Џоли, „Во земјата на крвта и медот“, му ја додели наградата „Стенли Крамер“ основана во 2002 година во знак на сеќавање на холивудскиот режисер, а им се доделува на филмови кои се занимаваат со провокативни социјални прашања.
„‘Во земјата на крвта и медот’ е извонреден филм кој прикажува сложена љубовна приказна за време на стравичната војна во Босна, од која посебно повредени беа жените“, рекоа директорите на PGA, Хавк Коч и Марк Гордон.
Некои од претходните добитници на оваа признание се и филмот на Тери Џорџ, „Хотел Руанда“ и документарецот на Ала Гора за глобалното затоплување, „Непријатна вистина“.
Прикажувањето на филмот „Во земјата на крвта и медот“ во кината ширум Америка ќе почне на 23 декември, а медиумите веќе шушкаат дека би можел да биде меѓу номинираните за Оскар. Европската премиера уште не е закажана.
