Животот и делото на славниот музичар наскоро ќе бидат преточени во документарен филм кој ќе открие се што славниот музичар го криел од јавноста.

Канадскиот режисер и антрополог, Сем Дан, познат по филмовите за хеви метал како што се Iron Maiden: Flight 666 и Metal: A Headbanger's Journey, работи на документарен филм за американскиот музичар Алис Купер.

„Тој е многу фасцинантен лик, кој поминал низ многу работи“, изјави Дан.

Дан вели дека Купер е еден од оние музичари кои долго немаат хитови, но сите го знаат поради неговото влијание на поп културата и дека во филмот планира да се сосредоточи на почетокот на кариерата на Купер и неговото враќање на сцената во осумдесетите години.

„Тоа ќе биде приказна за кариерата на Алис, почнувајќи од шеесетите години, па се до осумдесетите, а исто така и ќе зборува за се низ што поминал - за подемите и падовите, борбата со алкохолизам, како е одгледуван во христијанско семејство и уште многу други работи.“

Документарецот би требало премиерно да биде прикажан на Филмскиот фестивал во Торонто во 2012 година.