Сценаристот Ерик Рајдер го тужи режисерот Џејмс Камерон за кражба на идејата...

Иако од премиерата на филмот Аватар поминале две години, сценаристот Ерик Рајдер дури сега поднесува тужба против Џејмс Камерон до високиот суд во Лос Анџенел, во која се наведува дека режисерот од него ја украл идејата која му ја претставил во 1999 година.

Рајдер тврди дека пред 12 години преговарал со компанијата на Камерон за идејата за снимање на "3D филм за колонизација и уништување на раскошната природа на една оддалечена планета од страна на немилосрдните корпорации". Во тужбата се наведува дека Рајдеровите главни јунаци се "роботи во кои се наоѓа човечко суштество, баш како во Аватар".

Од документите кои сценаристот ги пондел на судот, се гледа дека претставниците на Камерон ја отфрлиле неговата идеја во 2002 година и дека Ерик Рајдер неколку пати им пишал откако Аватар го започнал својот "кино-живот".

Tворецот на Аватар на судот бара отштета и дел од заработката на филмот.