Првите два филма беа смешни, но третиот ќе има трагичен крај, открива сценаристот.

Крег Мејзин, еден од сценаристите на вториот „Мамурлак“, откри дека продуцентите планираат морбиден пресврт во последното продолжение на серијалот.

„Третиот филм ќе биде трагедија. Планиравме Даг (Џастин Барта) да стои на гробиштата и да ги чита имињата на сите свои пријатели на споменикот, сите момци од групата, па дури и својата жена. А потоа би додале некој да му каже дека и кучето му умрело“, изјави Мејзин.

Бредли Купер, кој го глуми Фил во филмовите, исто така навести дека режисерот Тод Филипс нема да се држи до испробаниот рецепт во третиот дел.

„Првиот дел беше во Лас Вегас, вториот во Бангкок, а третиот ќе го сместиме во Лос Анџелес и нема да има никаква врска со приказната од претходните два“, рече тој гостувајќи во една британска телевизија.

Снимањето на третиот „Мамурлак“ би требало да почне следното лето.