Харисон Форд наскоро ќе наполни 70 години, но наголемо се подготвува за петтиот дел од серијалот.

Актерот последен пат ги зеде шеширот и камшикот во 2008 година, кога играше во четвртото продолжение на сагата за познатиот авантурист, „Индијана Џоунс и кралството на кристалниот череп“. Критиката го „закопа“ филмот, а дури и продуцентот Џорџ Лукас и режисерот Стивен Спилберг изјавиле дека не се задоволни од него.

Петтиот дел е во првите фази на подготовка, и Лукас веќе работи на приказната. Сценариото за четвртиот дел го пишувал Дејвид Кеп, кој Лукас и Спилберг веројатно нема повторно да го ангажираат.

„Многу сакам да снимам уште еден дел, додека сум уште жив“, рече низ смеа Форд (69) во интервју за Extra TV.

„Слободен сум, ако повторно ме повикаат. Не сум евтин, но сум слободен“, додаде тој.

Спилберг за Empire потврди дека Лукас работи на сценариото на петтиот дел и дека следната година ќе почнат подготовките за снимање.